Horario

Estaremos para atenderlle por teléfono ou de xeito presencial en horario de atención ao público de

.......

Luns a venres de 9:00 a 14:00

Qué é a taxa?

A taxa de recollida de residuos sólidos urbanos é o importe que pagan os cidadáns pola prestación do servizo de recollida, transporte, tratamento e eliminación dos residuos xerados nos fogares como consecuencia das actividades domésticas así como os similares aos anteriores xerados en servizos e industrias. Inclúense tamén nesta categoría os residuos que se xeran nos fogares de aparellos eléctricos e electrónicos, roupa, pilas, acumuladores, mobles e aveños así como os residuos e entullos procedentes de obras menores de construción e reparación domiciliaria.
Os servizos incluídos son:

  • Recollida e tratamento de residuos domésticos.
  • Recollida de cartón.
  • Recollida de vidro.
  • Recollida de aceite vexetal.
  • Recollida de enseres e voluminosos.
  • Recollida de téxtil.
  • Puntos limpos.
  • Minipuntos limpos.
  • Punto limpo móbil.

A taxa de lixo regúlase a través a Ordenanza correspondente, común aos oito concellos que integran o Consorcio As Mariñas.
O custo de servizo ten en conta a cantidade de residuos xerados, polo que a boa separación do lixo no domicilio e o uso correcto dos contedores e dos medios que proporciona o Consorcio reduce os residuos non selectivos e o custo total do servizo. Canto máis se recicle por parte de todos, menor será o custo do servizo.
A taxa polo servizo emítese en forma de recibos semestrais xerados polo Consorcio As Mariñas e postos á cobranza a través da Deputación da Coruña, semestralmente segundo o importe fixado na Ordenanza vixente. Nos concellos de Cambre, Culleredo e Oleiros, a taxa emítese a través do recibo da auga, onde este exista, e ten periodicidade trimestral.
O servizo é de recepción obrigatoria, debendo pagar polo mesmo independentemente do uso que se realice del, estando obrigados os propietarios de vivendas, locais, establecementos, aloxamentos, industrias, actividades comerciais, profesionais, artísticas ou de servizos.

 

Ordenanzas

...

2023

2016

2012

2011

2010

2009

2008

2006

2004

2002

2001

Publicacións

...

Reglamentos

...

Vivenda

Quen ten que pagar a taxa do lixo?

O propietario da vivenda.

Quen xestiona a taxa do lixo?

O Consorcio As Mariñas é o responsable da xestión da taxa do lixo dos oito concellos que o integran (Abegondo, Bergondo, Betanzos, Cambre, Carral, Culleredo, Oleiros e Sada).

Que teño que facer para darme de alta/baixa ou modificar algún dato?

Debes dirixir unha solicitude ao Consorcio As Mariñas polos medios que se describen no apartado "Contacto" (de maneira presencial, telefónica, por mail ou a través da sede electrónica do Consorcio As Mariñas). Tamén podes dirixirche ao concello no que vives e no caso dos concellos de Cambre, Culleredo e Oleiros pódesche dirixir ás concesionarias de auga dos devanditos concellos (Augaservi, Gestagua e Aquaoleiros).

Teño a obrigación de darme de alta?

Si, sempre. Cando se adquire unha vivenda debe de poñerse en contacto co Consorcio As Mariñas, co seu DNI e a forma de identificar o inmoble que acaba de comprar.

Cantas veces teño que pagar a taxa?

  • A taxa devindícase de forma semestral nos concellos de Abegondo, Bergondo, Betanzos, Carral e Sada, a través dun recibo emitido pola Deputación da Coruña
  • A taxa devindícase de forma trimestral nos concellos de Cambre, Culleredo e Oleiros, a través dun recibo emitido polas compañías de augas dos devanditos concellos (Augaservi, Gestagua e Aquaoleiros).

Empresa

Quen ten que pagar a taxa?

A persoa física ou xurídica que exerce a actividade.

Pago a taxa por vivenda e por empresa?

A taxa non é persoal, págase pola propiedade da vivenda e pola actividade que realice a persoa física/xurídica, aínda que coincida dita persoa. Unha vivenda e un negocio son dúas fontes xeradoras de residuos diferentes, por tanto deben de pagar a taxa por separado.

Que teño que facer para darme de alta/baixa ou modificar algún dato?

Debes dirixir unha solicitude ao Consorcio As Mariñas polos medios que se describen no apartado "Contacto" (de maneira presencial, telefónica, por mail ou a través da sede electrónica do Consorcio As Mariñas). Tamén podes dirixirche ao concello no que vives e no caso dos concellos de Cambre, Culleredo e Oleiros pódesche dirixir ás concesionarias de auga dos devanditos concellos (Augaservi, Gestagua e Aquaoleiros).

Cantas veces teño que pagar a taxa?

  • A taxa devindícase de forma semestral nos concellos de Abegondo, Bergondo, Betanzos, Carral e Sada, a través dun recibo emitido pola Deputación da Coruña
  • A taxa devindícase de forma trimestral nos concellos de Cambre, Culleredo e Oleiros, a través dun recibo emitido polas compañías de augas dos devanditos concellos (Augaservi, Gestagua e Aquaoleiros).

Se deixo de exercer a actividade comercial/industrial, teño que seguir pagando a Taxa de Recollida de Lixo?

Non, deixaríase de pagar ao semestre seguinte no que se deixou de exercer a actividade. Para realizar dita baixa cotexamos coa Axencia Tributaria a información de baixa ou cambio de domicilio onde se exerce a actividade.

 

Contacto

Contacta connosco

Estamos para axudarche

O noso enderezo

Lugar de Bos, Naves O Carballal 4 15640 - Guísamo - Bergondo

Email

info@consorcioam.org

Chámanos

+34 981784704