Ao abeiro do disposto no artigo 14 do Desenvolvemento normativo de funcionamento interno do Comité de Ética en Intervención Social CEIS As Mariñas, en relación co artigo 11, e coa finalidade de mellorar a competencia técnica e facilitar o cumprimento das súas funcións, iníciase a provisión de vacantes para cubrir as baixas rexistradas, ata un máximo de 7, conforme á convocatoria que se pode consultar no documento que se achega.

Pode presentar a súa solicitude calquera profesional dos servizos sociais comunitarios e das entidades sociosanitarias dos concellos pertencentes ao Consorcio As Mariñas así como calquera persoa vencellada á intervención social. A convocatoria estará aberta desde o 1 ata o 14 de outubro (ambos incluídos).

O CEIS As Mariñas é un órgano colexiado de carácter consultivo, interdisciplinario e independente que ten por finalidade: asesorar nos problemas éticos da intervención social, fomentar a cultura ética e mellorar a calidade da intervención social e o benestar das persoas usuarias dos servizos sociais.

A participación no CEIS As Mariñas é voluntaria, a título individual y no remunerada e non como representante ou voceiro/a de centros, institucións ou colectivos.