Concurso de fotografía calendario 2025
- 30 Set, 24
O Consorcio As Mariñas convoca a quinta edición do concurso de fotografía para elaborar o calendario 2025.
As fotografías estarán relacionadas co medio ambiente, a paisaxe e o patrimonio cultural e histórico no ámbito territorial dos oito concellos que integran o Consorcio As Mariñas. Terase en conta a relación cos servizos que presta o Consorcio As Mariñas, a calidade técnica e a orixinalidade da imaxe.
O prazo de presentación de imaxes comeza o martes 1 de outubro e finalizará o mércores 20 de novembro.