O Consorcio As Mariñas ven de recibir o recoñecemento da Asociación Técnica para la Gestión de Residuos y el Medio Ambiente (ATEGRUS) pola innovación no servizo de recollida de lixo coa posta en marcha da Brigada Cívica, que ten, entre as súas labores, a información e sensibilización á veciñanza sobre a recollida de residuos e o medio ambiente.

O galardón recibido, a "Escoba de Oro", foi recollido en Madrid por Alejandra Pérez e Miguel Sandar, vicepresidenta e xerente, respectivamente, do Consorcio As Mariñas.

Con motivo do festivo do vindeiro martes 1 de maio non se realizará servizo de recollida de residuos urbanos. Tanto o luns 30 de abril coma o mércores 2 de maio haberá un reforzo do servizo para evitar que se produzan situacións de acumulación de lixo. Por outra banda, os oito puntos limpos do territorio permanecerán pechados o martes 1 de maio.

Desculpen as molestias.

O Consorcio As Mariñas colabora coa Consellería de Economía, Emprego e Industria e coa Asociación de Empresarios de Bergondo na xornada que se celebrará o vindeiro mércores 25 de abril, a partir das 10.00 horas no Edificio Multiusos do Polígono Industrial de Bergondo (rúa Parroquia de Guísamo, s/n).

Na xornada daranse a coñecer as diferentes liñas de axudas da Consellería de Economía, Emprego e Industria da Xunta de Galicia a través do Inega, do Igape e as propias de Emprego.