O CONSORCIO AS MARIÑAS LEVA A DEBATE A INTEGRACIÓN DAS PERSONAS QUE PADECEN ALGUNHA ENFERMIDADE MENTAL
27 de outubro de 2010- O Consorcio As Mariñas organiza os vindeiros 2 e 3 de novembro a IX Xornada de Sensibilización sobre Saúde Mental unha iniciativa que ten como obxectivo facilitar a integración deste colectivo na sociedade. O foro 2010 foi presentado esta mañá en rolda de prensa por Abel López Soto, presidente da Comisión de Servizos Sociais do Consorcio As Mariñas; Carmen Tato, concelleira de Servizos Sociais do concello de Cambre; Esther Monterroso, directora de APEM; Domingo Bayo, director do Plan Coordinador de Servizos Sociais do Consorcio, acompañados de Margarita Garrido, xerente de ADCOR e representantes dos Veteranos do RC Deportivo.