Plugin noticia individual
TALENTUM AS MARIÑAS
O Consorcio As Mariñas e o Club de Atletismo Sada veñen de asinar un convenio para desenvolver o proxecto "Talentum As Mariñas" destinado a alumnado dos Instituto de Educación Secundaria do territorio do Consorcio. O obxectivo é achegar a rapaces e rapazas as diferentes disciplinas do atletismo, promovendo hábitos saudables e de fomento do deporte de base.
Ao longo de cinco xornadas, que se celebrarán nas instalacións de INEF (Bastiagueiro-Oleiros), adestradores do Club de Atletismo Sada deseñarán circuitos axeitados á idade do alumnado participante de xeito que poidan facer, como mínimo, unha proba de velocidade, lanzamento, saltos e relevos. As xornadas rematarán con unha lúdica competición inter-centros como broche final.
O acordo foi asinado polo presidente do Consorcio As Mariñas, José Antonio Santiso e o presidente do Club de Atletismo Sada, Fernando Míguez.
